शिबरात्रीको अवसरमा प्रभाषको ‘बाहुबली २’को नयाँ ट्रेलर

एजेन्सी । तेलेगु अभिनेता प्रभाषको आउन लागेको फिल्म ‘बाहुबली २’ बलिउड दर्शकहरुको लागी मात्र नभएर नेपाली दर्शकहरुको लागी पनि पर्खाईको फिल्म बनेको छ । साथै, सोही फिल्मको पहिलो पार्ट ‘बाहुबली’मा कटप्पाले बाहुबलीलाई किन मारे भन्ने बिषयको सस्पेन्स पनि चाँडैनै खुल्नेछ । यसै सस्पेन्सलाई लिएर लाखौं दर्शकहरुले ‘बाहुबली २’ कुरीरहेका छन् ।अब यो कुराको जवाब ६५ दिनपछि थाहा हुनेछ की कटप्पाले बाहुबलीलाई किन मारे । अहिले आएर शिबरात्रीको अवरसरमा निर्देशक एसएस राजमौलीले ‘बाहुबली २’फिल्मको नयाँ पोष्टर रिलीज गरेका छन् । जानकारीमा आएअनुसार यस फिल्मको शुटिङ अन्तिम चरणमा पुगेको छ र भिएफएक्स वाला हिस्साको काम पनि भईरहेको छ ।




अघिल्लो वर्षको नोभेम्बरमा निर्देशक एसएस राजमौलीले ‘बाहुबली २’फिल्मको पहिलो झलक सार्बजनिक गरेका थिए । अहिले आएर यहि फेब्रुअरीमा यस फिल्मको ट्रेलर पनि सार्बजनिक हुने कुरा पनि भईरहेको छ । तर, यस कुराको आधिकारीक जानकारी भने सार्बजनिक गरिएको छैन ।
यो फिल्म यहि वर्षको अप्रिलको २८ तारीखबाट दर्शकमाझ रिलीजमा आउँदैछ । फिल्मलाई एसएस राजमौलीको निर्देशनमा के राघाबेन्द्र राओ,शोबु यार्लागड्डा र प्रसाद देबीनेनीले संयुक्त रुपमा निर्माण गरेका हुन् । फिल्ममा प्रभाष,राणा डग्गुबत्ती,अनुष्का शेट्टी, तामन्ना भाटीया लगाएतको मुख्य भुमिका रहेको छ । सरद राई